الزوجة في بيت العيلة ...
ملاحظة ... باكتب عن بيت العيلة في مصر ، و مش عن أي دولة ثانية ، و اللي هاكتبه تاليا بيعبر عن غالبية اللي سمعته أو شقته أو قرأت عنه ، و مش بالضرورة بيعبر عن كل بيوت العيلة في مصر ...
شاب في مقتبل العمر ( أو مش في مقتبله ) ، أهله عندهم عمارة ، سواء في القاهرة أو إحدى المحافظات الكبري، أو طبعا القرى و المحافظات الأخرى و اللي بينتشر فيها موضوع بيت العيلة إن لم يكن هو الأساس.
عودة إلى الشاب اللي في مقتبل العمر ، أهلك عندهم عمارة ، و صرفوا مدخراتهم كلها علشان يجهزولك شقة ، أو دور فيها ، علشان لما تتجوز تعيش معاهم ، و يكونوا ضروبوا عصفورين بحجر واحد، جهزولك الشقة ووفروا عليك مشقة و عتلان هم تجهيزها ، و ضمنوا إنك تعيش معاهم و قريب منهم في نفس الوقت.
سعادتك قررت تتجوز ، و رحت خطبت آنسة أُعجبت بيها ، و أهلها قدروا ظروفك ، و إن عندك شقة جاهزة فعلا ،و معندكش إمكانية إنك تشتري شقة بيعد عن ماما و بابا في الوقت الحالي .
تمت الجوازة ، و انتقلت مراتك معاك لعش الزوجية السعيدة
جابة أوجهلك بعض ملاحظات عن العش الجديد ، و عن تواجد زوجتك في بيت العيلة ، و أتمنى إنك تكون رحب الصدر ، و تقرأ وجهة نظرالزوجات في موضوع بيت العيلة
بداية فيه شوية ملاحظات حابة أوجهها ليك و ياريت تاخد بالك منها قبل الانتقال لعش الزوجية السعيد
- زوجتك من حقها تمتلك حياة خاصة بيها ، بعيد عن تدخلات الجميع فيها.
من حق زوجتك إن يكون ليها خصوصيتها اللي ما تتدخلش فيها حماتها أو اخوات زوجها
زوجتك من حقها تعيش في شقتهاو هي متطمنة من إن مفتاح شقتها مش مع الجميع ، و إنها ممكن تفاجأ بحماتها في غرفة النوم في أي وقت من اوقات اليوم
زوجتك من حقها يكون ليها حرية التصرف في شقتها ، ديكوراتها ، السماح لفلان و عدم السماح لفلان بدخول غرفة نومها ، من حقها تطبخ الأكلة اللي على مزاجها وقت ما تحب تعملها . هي مش مطالبة خالص إنها تنزل تنظف منزل الوالدة ، و لا إنها تقف بالساعات في المطبخ علشان تخدم على أفراد العائلة الكريمة .
هي ممكن تتطوع و تساعد، لكنه مش حق ملزم عليها إنها تعمله .
زوجتك ممكن تكون ملزمة بخدمة أبويها ، و انت مطالب بخدمة أبويك ، لكنها مش مطالبة بخدمة أبويك إلا غن تطوعت هي بذلك .
-الوحيد اللي من حقه يسأل مراتك رايحة فين و كنت فين ، هو إنت .. زوجها ، هي مش مطالبة تدي التقرير اليومي و الساعي ، لكل تفصيلة من تفصيلات تحركاتها.
- من حقك إنت و زوجتك إنكم تنفردوا بتربية أولادكم بالكيفية اللي إنتم تحبوها ، مش من حق حد يتدخل في التربية ده لا جد و جدة و لا عم و لا عمة و لاخال و لا خالة ، كل دول ممكن يقدمولكم نصحهم ، لكنكم غير ملزمين بالأخذ بالنصح ده ، تربية الأولاد خاصة بيكم انتم و باستراتيجيتكم انتم ، و تفكيركم انت في المستقبل اللي بتتمنوه لأولادكم .
في نفس الوقت يا ريت تحسم مع أهلك إن الفترة اللي بيقضيها أولادك معاهم ، فده مش معناه إنهم يربوهم فيها على مزاجهم ، التربية مرة ثانية خاصة بيك و بزوجتك فقط ، ممكن يقدكولك النصيحة، ممكن يكلموك انت في اللي معترضين عليه ( و مش أمام أولادك ) و انت ليك مع زجتك في النهاية حرية التصرف .
- من حق زوجتك إنها تستقبل ضيوفها في بيتها، بدون ما يكون على الضيوف دول إنهم يمرواعلى حماتها مقدما ، علشان تتعرف عليهم ، و تديهم تذكرة العبور للأعلى
اذا انت واثق في زوجتك و في اللي هتستضيفه في بيتها في غيابك، فمش من حق حد انه يشكك فيها ، أو يفحص الضيوف بنظرته الثاقبة قبل ما يطلعوا عندها ( ده حتى بيكون إهانة للضيوف نفسهم ).
في بداية الحياة الزوجية في بيت العيلة ، يفضل وضع حدود بين الزوجة و الحماة و الاخوات ، و يا ريت حضرتك اللي تتكرم و تحطها ، لانك الوحيد اللي مش هيخسر أي طرف من الأطراف إذا حطتها
الوضع في بدايته هيكون غريب ، لكنه مع الوقت الكل هيتعود عليه ، و يا ريت قبل ما تحط الحدود ده اسمع من زوجتك و من والدتك و استشيرهم في الحدود اللي انت عايز تحطها ، مع افهام الكل ان الحدود ده واجبة و أساسية لاستمرار الحياة بسلام و بطبيعية .
اوعى تفتكر انك لما تكبر دماغك و تسيب مراتك تصرف امورها ، مع أهلك و ما تتدخلش في خناقاتهم ، إنك كدة كسبت الأطراف كلها و ما خسرتش حد ، لانك بعد عدة سنوات هتكتشف انك خسرت الكل .
في النهاية ، الحياة الطبيعية للزوجين ، لازم يكون فيها خصوصية خاصة بيهم، مش من حق أي حد إنه يتدخل فيها ، و اذا كانت الظروف قضت ان الزوجة تعيش في بيت عيلة زوجها ، فده مش معناه أبدا إنهامفروض ترضى بالأمر الواقع ، و إن إحنا نبهدلها معانا لمجرد إن ظروفنا كدة ، ببعض التنسيق ، و تحمل الوضع الجديد في بدايته ، فالزوجة مش هتشعر بأي ندم في يوم من الأيام إنها تنازلت ووافقت إنها تعيش في بيت العيلة .
ملاحظة ... باكتب عن بيت العيلة في مصر ، و مش عن أي دولة ثانية ، و اللي هاكتبه تاليا بيعبر عن غالبية اللي سمعته أو شقته أو قرأت عنه ، و مش بالضرورة بيعبر عن كل بيوت العيلة في مصر ...
شاب في مقتبل العمر ( أو مش في مقتبله ) ، أهله عندهم عمارة ، سواء في القاهرة أو إحدى المحافظات الكبري، أو طبعا القرى و المحافظات الأخرى و اللي بينتشر فيها موضوع بيت العيلة إن لم يكن هو الأساس.
عودة إلى الشاب اللي في مقتبل العمر ، أهلك عندهم عمارة ، و صرفوا مدخراتهم كلها علشان يجهزولك شقة ، أو دور فيها ، علشان لما تتجوز تعيش معاهم ، و يكونوا ضروبوا عصفورين بحجر واحد، جهزولك الشقة ووفروا عليك مشقة و عتلان هم تجهيزها ، و ضمنوا إنك تعيش معاهم و قريب منهم في نفس الوقت.
سعادتك قررت تتجوز ، و رحت خطبت آنسة أُعجبت بيها ، و أهلها قدروا ظروفك ، و إن عندك شقة جاهزة فعلا ،و معندكش إمكانية إنك تشتري شقة بيعد عن ماما و بابا في الوقت الحالي .
تمت الجوازة ، و انتقلت مراتك معاك لعش الزوجية السعيدة
جابة أوجهلك بعض ملاحظات عن العش الجديد ، و عن تواجد زوجتك في بيت العيلة ، و أتمنى إنك تكون رحب الصدر ، و تقرأ وجهة نظرالزوجات في موضوع بيت العيلة
بداية فيه شوية ملاحظات حابة أوجهها ليك و ياريت تاخد بالك منها قبل الانتقال لعش الزوجية السعيد
- زوجتك من حقها تمتلك حياة خاصة بيها ، بعيد عن تدخلات الجميع فيها.
من حق زوجتك إن يكون ليها خصوصيتها اللي ما تتدخلش فيها حماتها أو اخوات زوجها
زوجتك من حقها تعيش في شقتهاو هي متطمنة من إن مفتاح شقتها مش مع الجميع ، و إنها ممكن تفاجأ بحماتها في غرفة النوم في أي وقت من اوقات اليوم
زوجتك من حقها يكون ليها حرية التصرف في شقتها ، ديكوراتها ، السماح لفلان و عدم السماح لفلان بدخول غرفة نومها ، من حقها تطبخ الأكلة اللي على مزاجها وقت ما تحب تعملها . هي مش مطالبة خالص إنها تنزل تنظف منزل الوالدة ، و لا إنها تقف بالساعات في المطبخ علشان تخدم على أفراد العائلة الكريمة .
هي ممكن تتطوع و تساعد، لكنه مش حق ملزم عليها إنها تعمله .
زوجتك ممكن تكون ملزمة بخدمة أبويها ، و انت مطالب بخدمة أبويك ، لكنها مش مطالبة بخدمة أبويك إلا غن تطوعت هي بذلك .
-الوحيد اللي من حقه يسأل مراتك رايحة فين و كنت فين ، هو إنت .. زوجها ، هي مش مطالبة تدي التقرير اليومي و الساعي ، لكل تفصيلة من تفصيلات تحركاتها.
- من حقك إنت و زوجتك إنكم تنفردوا بتربية أولادكم بالكيفية اللي إنتم تحبوها ، مش من حق حد يتدخل في التربية ده لا جد و جدة و لا عم و لا عمة و لاخال و لا خالة ، كل دول ممكن يقدمولكم نصحهم ، لكنكم غير ملزمين بالأخذ بالنصح ده ، تربية الأولاد خاصة بيكم انتم و باستراتيجيتكم انتم ، و تفكيركم انت في المستقبل اللي بتتمنوه لأولادكم .
في نفس الوقت يا ريت تحسم مع أهلك إن الفترة اللي بيقضيها أولادك معاهم ، فده مش معناه إنهم يربوهم فيها على مزاجهم ، التربية مرة ثانية خاصة بيك و بزوجتك فقط ، ممكن يقدكولك النصيحة، ممكن يكلموك انت في اللي معترضين عليه ( و مش أمام أولادك ) و انت ليك مع زجتك في النهاية حرية التصرف .
- من حق زوجتك إنها تستقبل ضيوفها في بيتها، بدون ما يكون على الضيوف دول إنهم يمرواعلى حماتها مقدما ، علشان تتعرف عليهم ، و تديهم تذكرة العبور للأعلى
اذا انت واثق في زوجتك و في اللي هتستضيفه في بيتها في غيابك، فمش من حق حد انه يشكك فيها ، أو يفحص الضيوف بنظرته الثاقبة قبل ما يطلعوا عندها ( ده حتى بيكون إهانة للضيوف نفسهم ).
في بداية الحياة الزوجية في بيت العيلة ، يفضل وضع حدود بين الزوجة و الحماة و الاخوات ، و يا ريت حضرتك اللي تتكرم و تحطها ، لانك الوحيد اللي مش هيخسر أي طرف من الأطراف إذا حطتها
الوضع في بدايته هيكون غريب ، لكنه مع الوقت الكل هيتعود عليه ، و يا ريت قبل ما تحط الحدود ده اسمع من زوجتك و من والدتك و استشيرهم في الحدود اللي انت عايز تحطها ، مع افهام الكل ان الحدود ده واجبة و أساسية لاستمرار الحياة بسلام و بطبيعية .
اوعى تفتكر انك لما تكبر دماغك و تسيب مراتك تصرف امورها ، مع أهلك و ما تتدخلش في خناقاتهم ، إنك كدة كسبت الأطراف كلها و ما خسرتش حد ، لانك بعد عدة سنوات هتكتشف انك خسرت الكل .
في النهاية ، الحياة الطبيعية للزوجين ، لازم يكون فيها خصوصية خاصة بيهم، مش من حق أي حد إنه يتدخل فيها ، و اذا كانت الظروف قضت ان الزوجة تعيش في بيت عيلة زوجها ، فده مش معناه أبدا إنهامفروض ترضى بالأمر الواقع ، و إن إحنا نبهدلها معانا لمجرد إن ظروفنا كدة ، ببعض التنسيق ، و تحمل الوضع الجديد في بدايته ، فالزوجة مش هتشعر بأي ندم في يوم من الأيام إنها تنازلت ووافقت إنها تعيش في بيت العيلة .
رواء مصطفى
ليست هناك تعليقات:
إرسال تعليق