رابعة ... مجتمع الفضيلة المفقودة

ذلك المجتمع الذي أٌقيم بين ظهراني الوطن ...
تلك البقعة المضيئة التي عاش أصحابها أحلى و أسعد أيام حياتهم فيها ...
تلك التي اعادت لنا ذكريات حياة أصحاب رسول الله ...
هؤلاء القائمون العابدون المصلون الصائمون المجاهدون ...

عن تلك التساؤلات التي كانت تعصف بعقولنا ...
عن هل نستطيع أن نحقق ذلك المجتمع المسلم كما كان من قبل ...
بمشاعره و حياته و عباداته ....
ذلك التساؤل الذي ظل يعاد و يعاد في رؤوسنا طويلا ...
لتأتي رسالة الله لنا ....أن نعم نستطيع ....
نستطيع ... بل استطعنا ... و بأنفسنا ... و لم تكن بغيرنا ....
و كأن الله يخبرنا أن الأمر ممكن إن عزمت و توكلت على الله حق توكله ...

رابعة لم تكن أسطورة و انتهت ...
رابعة ستظل بتفاصيلها في عقول و قلوب أصحابها ...
حتى يعود اليوم الذي يحيونها فيه من جديد ... ليس فقط في رابعة .... بل في نطاق الوطن الكبير ...
لقد أصبحنا اليوم نعلم ... أننا حقا نستطيع ...
#رابعة

 

رواء مصطفى 

ألمانيا الفائزة بكأس العالم

الصورة ده حقيقة فعلا ... مباراة النهائي لكاس العالم كانت يوم الأحد بدأت الساعة 9 مساءا بتوقيت ألمانيا و انتهت الساعة 12 ، و مع تحابيش ما بعد المباراة فالناس فضلت صاحية لبعد الساعة 1 ( ده الناس اللي اتفرجت في بيتها) ،الناس اللي اتفرجت في الشارع اعتقد انهم ما ناموش أصلا ..
يوم الاثنين، مش أجازة ، يوم شغل عادي جدا ، و كتير من ولايات ألمانيا مازال فيها مدارس ..
أقصى حاجة حصلت ان بعض المدارس ( ومش كلها) سمحت إن الطلبة يتأخروا ساعة واحدة الصبح علشان يوصلوا المدرسة ( الحصة الأولى بتبدأ الساعة 8 فمفروض قبل 8 تكون في المدرسة ، يومها سمحوا للطلبة يجوا المدرسة لحد الساعة 9 بدل 8 )..
الدراسة اشتغلت عادي جدا،ايوة حصل نقاش في المدرسة بين الطلبة ،لكن الحصص كلها اتاخدت ، التغير الوحيد اللي حصل انهم لغوا الواجب بمناسبة فوز ألمانيا بكاس العالم ..

الشغل عند زوجي كان شغال عادي جدا برضه،التعليقات على الفوز كانت بسيطة و كل واحد انشغل بشغله ...

احنا كان عندنا موعد مسبق في الحضانة للتعارف علشان بنتي هتدخل في شهر سبتمبر ، و بالرغم من ان الناس موجودة في شغلها من 7 و نصف صباحا ( بعد ليلة مفيهاش نوم تقريبا) و موعدنا كان 3 و نصف العصر، إلا ان مفيش حاجة اتلغت ، و الموعد تم من غير مشاكل ...

الألمان بصفة عامة بيفصلوا بين شغلهم ، و متع الحياة التانية ...

 

رواء مصطفى 

السفر إلى ألمانيا ...3

سؤال عن التكلفة المعيشية في ألمانيا ، و هل احضار الأهل مكلف أم ميسر ؟؟

بالنسبة لموضوع التكلفة المعيشية فهو بيختلف من حالة لأخرى ، و بيتوقف على عدة حاجات :

أولا/ المدينة اللي انتم عايشين فيها ، و أسعار السكن فيها ايه ( على اعتبار ان السكن بيكون هو أكبر بند في التكلفة )
فيه مدن أسعار ايجار الشقق فيها بيكون مرتفع جدا مثال على كدة ميونخ و هامبروج مثلا .
و فيه مدن بيسهل ايجاد شقق ايجارها رخيص أو معقول زي برلين و ساربروكن .

ثانيا / أعمار الأطفال .... كل ما الأطفال كبروا في السن كل ما متطلباتهم زادت ، هيدخل غير الأكل و الشرب ، تكاليف مدرسية ، أنشطة رياضية أو موسيقية و خلافه ، رحلات ( لان الأغلبية العظمي بيعملوا رحلات و بيسافروا في الاجازات ، و مش هتقدر ما تعملش ده مع أولادك لفترة طويلة )

هل الموضوع مقلق ؟؟
لل مش مقلق ، لإن حتى إذا دخلك مش مرتفع ، و أقل من الدخل المفروض لاسرة بحجم اسرتك ، فالدولة بتقدم لك إعانات شهرية .

إعانة سكن : اذا دخلك منخفض ، بتقدم طلب ، و بيتم دراسته ، و اذا وجدوا انك مستحق ، فالدولة بتدفع لك جزء من ايجار المنزل .

إعانة طفل : الدولة بتدفع لك شهريا إعانة لكل طفل عندك سواء مرتبك قليل أو كبير ، ده بيكون حقك بما إنك بتشتغل و بتدفع ضرايب في ألمانيا .

إعانة مدارس: إذا دخلك منخفض، فالدولة ممكن تدفع لك تكاليف شراء مكتب لابنك للمذاكرة عليه في المنزل ، و مبلغ لشراء أدوات المدرسة ، في حالة الرحلات و اذا لم تستطع الدفع للرحلة ، فيمكنك التحدث مع مدرسة الفصل ، و يتم حل المشكلة معها .

إعانة البيبي : إذا كنت في انتظار طفل جديد ، فهناك بعض المؤسسات التي قد تساعدك في حالة انخفاض دخلك على شراء كل ما يلزم الطفل ، من ملابس ، غرفة نوم ، عربة بيبي، و خلافه ، دون أن تلزمك بدفع أي مقابل من عندك .

بالنسبة للعلاج و الأطباء: فإذا ما اشتركت في تأمين صحي تابع للحكومة ، فانت تدفع اشتراك شهري تبعا لدخلك ، فيختلف تبعا لما تكسبه كل شهر، و تدخل أسرتك كلها معك في التأمين ، و هو ما لا يضطرك لدفع أي مبالغ مالية في حالة زيارة الطبيب ، أو في الأشعة و خلافة في حالة رأى الطبيب أهميتها ، انت تدفع فقط ثمن الأدوية ، مع ملاحظة أن الادوية للأطفال أيضا تكون مجانية .

رواء مصطفى

السفر إلى ألمانيا .... 2

ايه الأسباب اللي هتخليك تسافر ؟؟
فيه أسباب كتير ممكن تخلي الانسان يفكر إنه يسافر ، و خاصة لدولة أوروبية منها :
تحسين ظروف المعيشة
أعيش زي البني آدمين
البحث عن تعليم أفضل للأولاد
عدم تمكنك من الحياة في بلدك أو أي من الدول العربية
القرف من البلد اللي انت عايش فيها
علشان انت نفسك تتعلم تعليم جامعي أو فوق جامعي كويس
لمجرد التغيير و الاضطلاع على ثقافات الشعوب الثانية .

كل ده أسباب ممكن تخلي الواحد يفكر انه يدور على فرصة للسفر برة ، طيب هل الحياة برة أو في أوروبا فعلا سهلة و ميسرة ، و هتحللي مشاكلي كلها ؟؟

الحقيقة لا ... و لازم تعرف كدة قبل ما تقدم على مرحلة السفر ، و تفكر كويس في التالي :
بالنسبة لاحتراميتك كإنسان فده طبعا هيحصل ،هتلاقي تعامل مختلف تماما ، و هتشعر يمكن لأول مرة انك بني آدم له حقوق وواجبات .
طيب كونك مسلم ايه الوضع ؟؟
المسلم بصفة عامة حياته مش سهلة في أي مكان ، أي مكان انت هتسافر ليه ، لازم تعرف ان هيقابلك تحديات كتير ، من ضمنها تحديات كونك مسلم .
بصفة عامة لازم تعرف ان اي مكان هتسافر ليه ، هيكون فيه ثغر من الثغور المفروض انك مسؤول انك تساعد في سد الثغر ده ، أوروبا من الثغور الكبيرة اللي محتاجة شغل كل مسلم فيها علشان يسدها .
انت كمسلم و خاصة اذا كنت متعلم تعليم عالي ، و بتشتغل في مكانة عالية ، فعليك دور كبير جدا في تصحيح الكثير من المفاهيم الغلط اللي عششت في عقل الأوروبي اتجاه المسلمين .
اذا كنت في بلدك مش بتعتبر انك واجهة للاسلام ، فاعرف ان كونك مسلم لوحده كاف جدا في أوروبا علشان الناس تعتبر انك واجهة للاسلام كله.
يعني كلامك محسوب عليك ، مش عليك لوحدك لا ، ده عليك و على المسلمين كلهم.
تصرفاتك محسوبة عليك ، مش عليك لوحدك لا ، ده عليك و على المسلمين كلهم .
المعلومة الغلط اللي بتقولها هتتسبب في فتنة ناس مش قليلين ، لان اللي سمعها منك هيوصلها زي ما هي
التصرف الغلط اللي هتعمله ، هيتاخد منه فكرة سيئة تفضل لفترة قد تطول عن المسلمين لحد ما عدد كبير من المسلمين يقدروا يجيوا و يزيلوا آثار التصرف الواحد بتاعك .

الحياة في أوروبا ، فيها مميزات ، و فيها عيوب ، و هي مش مفروشة بالورورد على طول الطريق ، و لا هي جنة الله في أرضه ، و لا البلاد اللي هاقدر أعيش فيها بدون تعب أو مشقة ، أو جهاد .

الكلمتين دول مهمين جدا لاي واحد بيفكر انه يسافر أوروبا

رواء مصطفى 

السفر إلى ألمانيا ... 1

ملاحظات أولية خاصة بموضوع السفر

بداية أنا مش هاعرف أسفر حد ، و لا أعرف ازاي طريقة السفر ، الحاجة اللي ممكن أعملها إني اقترح اقتراحات و كل واحد يدور على الوسيلة الأنسب ليه ، و لو كان في ايدي حاجة كنت جبت أهلي عندي من زمان.

موضوع السفر خاصة ألمانيا مش سهل و لا طرقه مفتوحة على مصراعيها .

بالنسبة لموضوع الشغل في ألمانيا ... حاليا موضوع إنك تقدم على شغل بقى سهل لانك ممكن تبعت ايميل للشركات و انت في مكانك ... ايه امكانية انك تتقبل في الشغل بتعتمد على :
أولا / في مهن مش هتقبلك إلا لو كنت بتتقن اللغة الألمانية ، أشهرها مهنة الطب .
ثانيا / ممكن تلاقي فرصة في شركة انترناشيونال ووقتها ممكن يقبلوك باللغة الانجليزية
ثالثا / فكر مع نفسك ليه شركة في ألمانيا هتقبل توظف واحد من مصر ، ايه المؤهلات اللي عندك اللي تخلي المانيا توظفك .
رابعا/ حاليا فيه أفضلية لأوروبا الشرقية و أمريكا اللاتينية في سوق العمل ، يعني اذا تساويت في مميزاتك و خبراتك مع واحد من أوروبا الشرقية ، فالاختيار هيقع على اللي من أوروبا الشرقية .

خامسا / انك تلاقي وظيفة في ألمانيا مش سهل ، لكن في نفس الوقت هو مش أمر مستحيل ، قدم ورقك و اتوكل على الله و اذا ليك نصيب ربنا هيرزقك.

بالنسبة للمنح :
المنحة بتختلف من جامعة للثانية و من ولاية للثانية ، في منح بتقبل انك تدرس ماجيستير او دكتوراة بالانجليزي ، و فيه منح مش بتقبل.
فيه منح هتسمح لك انك تيجي تدرس اللغة في ألمانيا ، و فيه منح هتشترط إنك تدرس اللغة قبل ما تسافر .
موضوع معادلة الشهادة ، بتعتمد على الجامعة اللي انت ناوي تدرس فيها ، مفميش معلومة ثابتة .

فيه شركات ممكن تساعدك و تجاوب على اسئلتك الخاصة بالدراسة في ألمانيا زي الشركة ده
https://www.facebook.com/Hadatha.net

و فيه مؤسسة علماء مصر عامله شغل جامد جدا وعندها سلسلة محاضرات
و ده الروابط الخاصة بيها

Egypt scholars main Channel

https://www.youtube.com/user/EgyptScholars

Egypt scholars lectures about scholarship under STEPS Project

https://www.youtube.com/watch?v=UGm8V4rdmiI...

خطوات نحو الدراسة في الخارج - موسوعة متكاملة تحت الانشاء لمساعدة كل من يرغب في الدراسة بالخارج

http://steps.egyptscholars.org/wiki/index.php...

Egypt Scholars Inc page at FB

https://www.facebook.com/EgyptScholars

Egypt Scholars STEPS project
https://www.facebook.com/ES.STEPS

ايه اللي أنا أقدر أعمله أو أقدمه :
أولا / ممكن أنقل لك تجربتي ، و اللي هتنحصر في :
الحياة الإجتماعية
معاملة الألمان للمسلمين
رعاية الأطفال في أوروبا
نظام التعليم خاصة للأطفال
التأمين الصحي في ألمانيا

ثانيا / اذا فيه حد بدأ فعلا و عنده أسئلة محددة ( مش أسئلة عامة ) معنديش أي مانع إني استقبلها ، و أحاول أدور على إجابات ليها ، او على حد ممكن يساعده و يجاوبه على أسئلته .

مرة ثانية ... أنا ما أعرفش الطريق السحري للسفر للخارج 

 

رواء مصطفى 

الكمان

طريقة الإمساك به ...
ملامسة أصابعك لأوتاره ...
شعورك بوزنه على كتفيك...
حركة يديك عليه مصدرة ألحانه ...
يكفيك كل ذلك لتعشقه ...

اشتقت لكماني

الميديا و عمر الأطفال

في ألمانيا يولون أهمية خاصة لموضوع السن المناسب للأفلام و ألعاب الفيديو و الكمبيوتر ، يبدأ تقسيم الأفلام و الألعاب المناسبة لكل شريحة عمرية من عمر الصفر ، ثم 6 سنوات ، ف 12 عاما ، ثم 16 عاما ، و أخيرا 18 عاما ، على أن لا تناسب الأفلام الاعمار الأقل مما كتب على غلاف الفيلم أو اللعبة .
أول أمس كنت في محاضرة عن جرائم الانترنت و مخاطره بالنسبة للأطفال و حتى 18 عاما ، لمحاضر كان ينتمي سابقا للشرطة الألمانية ،و متخصص في علم الجرائم ،و خاصة جرائم الميديا و الانترنت .

ذكر لنا المحاضر أن الاهتمام زاد بما يخص تقسيمات الفئة العمرية على ما يخص الميديا من عام 2002 ، فلماذا ؟
في عام 2002 فجعت ألمانيا بكاملها بحادث بشع ، حيث قتل شاب في ال19 عاما من عمره ، بعض زملائه في مدرسته الثانوية و اثنين من مدرسيه ، قبل أن يقدم هو شخصيا على الانتحار.
بلغ عدد القتلى 16 شخصا ، و كان الحادث جديدا على المجتمع الألماني، مؤلما ، مفجعا.
بالبحث في الأسباب التي أدت به إلى ذلك ، تم اكتشاف أنه اعتاد على ألعاب العنف و الجريمه منذ صغره ، و هو ما كان من الأسباب الرئيسية التي أدت به إلى القيام بامساك مسدس و قتل زملائه به .

بعد الحادث ، اتخذت العديد من التدابير و من بينها موضوع تحديد العمر المناسب للأطفال و الشباب ، بمشاهدة الأفلام أو اللعب بالألعاب الالكترونية المختلفة .
و يتم عمل متابعة مستمرة للسينمات للتأكد من عدم وجود أطفال تحت السن القانون .

الصورة من توديع ضحايا مجزرة الثانوية عام 2002