حاجة من الحاجات اللي عجبتني في التعليم في ألمانيا ، هي تعليم الأطفال القيام بابحاث من صغرهم .
في الصف الثالث الابتدائي ، بيطرحوا موضوع ، مثلا عن الاشجار في الغابة ، أو حيوانات الغابة، و يطلبوا من كل طالب يختار حيوان معين أو شجرة ميعنة يعمل بحث عنها .
البحث بيكون بسيط ، مش معقد، بيكون المطلوب انه يجيب صورة للحيوان مثلا، و الأماكن اللي بيعيش فيها في العالم، نوع الغذاء بتاعه، مدة حياته ...
مجرد معلومات بسيطة ، و يرتب المعلومات ده في صفحة A4 ، المعلومات الطفل بيحصل عليها إما من كتب من المكتبة العامة، أو عن طريق الانترنت .
في الصف الرابع، بيبدأ المدرس في طلب معلومات أكتر، و في الحالة ده بيكون البحث على فرخ ورق مقوى ، و المفروض انه هيتكلم عنه في الفصل أمام الطلبة.
في الصف الخامس، بيبدأ الموضوع يتطور ، بيطلب البحث في اكتر من مادة ، مش مادة واحدة بس، و بانواع مختلفة ، إما إنك تعمله من خلال مجموعة ، تنسقوا البحث مع بعض، و هتتكلموا أمام الفصل مع بعض، كل واحد فيكم بيقول جزء " تنمية العمل الجماعي" ، أو إن المدرس بيحدد لك وقت تتكلم فيه عن بحثك، في الصف الخامس بيكون دقيقتين ، في خلال دقيقتين تذكر نبذة مختصرة عن البحث الخاص بك، و المفروض إنك تتدرب كثير ، علشان تقدر تختصر البحث في دقيقتين فقط لا غير .
امبارح لقيت جرس الباب بيرن، فتحت لقيت طالبين في عمر 11 او 12 سنة ، بيسألوا عن الوسيلة اللي زوجي بيروح بيها الشغل، هل هي السيارة و لا العجلة و لا الباص، و لا مشي، و بياخدوا الإجابات و يسجلوها ... بيعملوا بحث ميداني ، و يجمعوا النتائج و يعملوا بيها البحث بتاعهم .
#مبادئ_التعليم
#لازم_يكون_فيه_فرق
ليست هناك تعليقات:
إرسال تعليق