بعض ملاحظات على العيد :
عدد المصليين بيزيد كل عيد، الحمد لله ،و رغم ان اليوم الجمعة ، و هو يوم عمل عادي ، و عدد كبير مش بيقدر ياخد اجازة من شغله، و رغم انتشار المساجد حاليا في ميونخ، الا ان المركز الاسلامي كان مفيش فيه مكان خالص.
بلدية ميونخ وفرت مشكورة 3 اتوبيسات لنقل المصليين من محطة المترو للمركز قبل الصلاة " الاتوبيس اللي بيخدم الخط ده بيكون واحد كل 40 دقيقة" ، و نفس العدد
لنقلهم من المركز للمحطة بعد الصلاة
الشرطة و كالعادة سمحت لنا نركن في الممنوع، لان موقف سيارات المركز مستحيل يكفي عدد السيارات القادمة للصلاة، بصراحة منظر رائع و انت في طريقك للمسجد و تلاقي سيارات مصفوف
ة على جانب الطريق،و على مسافة بعيدة من المركز قبله و بعده.الشرطة و كالعادة سمحت لنا نركن في الممنوع، لان موقف سيارات المركز مستحيل يكفي عدد السيارات القادمة للصلاة، بصراحة منظر رائع و انت في طريقك للمسجد و تلاقي سيارات مصفوف
طبعوا المرة دي ورق عليه تكبيرات العيد بالعربي و الالماني،ووزعت على المصليين ليتابعوا التكبيرات و يكون سهل عليهم ترديدها، و كان تاثيرها حلو جدا
عمل الخطبة الالمانية قبل الصلاة كان موفق، لان عند القاءها بعد الخطبة العربية ، للاسف غير الناطقين بالعربي بيكون في غالبية الامر مستحيل يسمعوا كلمة من الخطبة .
الامام كان مدير مكتب وزير الاوقاف، و ده تطور ممتاز ، اتمنى ان وزارة الاوقاف و الازهر يهتموا باوروبا في الفترة القادمة، و تتحط على جداول اهتماماتهم.
عدد المصليين المهتمين بسماع الخطبة بيزيد كل عيد " في السابق كانت الصلاة بتخلص و تبدا الناس تمشي و تلاقي المسجد فجاة بقى فاضي" ، و اصبح الحرص على الاستماع ليها اكبر .
اجساس رائع لما تلاقي مسلمين من جنسيات مختلفة حريصين على اداء صلاة العيد،و رائع انك تشعر ان الجنسيات ده كلها اجتمعت على عبادة الله وحده،و ان الجميع مع الاسلام اصبح مفيش فرق بينهم، بتسلم على الكل سواء بتفهمه او ما بتفهموش، الكل بيهني بالعيد بلغته، او بلهجته، الاسلام بيلغي حواجز كتير بين البشر و خاصة في الغربة.
ليست هناك تعليقات:
إرسال تعليق