النشاط الأساسي و اللي استمر أغلب طوال الأربع سنوات كان نشاط " حفظ القرآن"، اكتفيت بيه في اولى و ثانية ابتدائي، في ثالثة ابتدائي اشتركت فيه و قررت اني مش هادخل المسابقة، و رجعت شاركت ثاني في سنة رابعة ( و ما بعدها لكن ده يعتبر مرحلة دراسية جديدة بمدرسة جديدة ).
في سنة ثالثة قررت إني أشارك في النشاط الإذاعي، الإذاعة ما كانتش بتتعارض مع مسابقة القرآن لإني كنت بأعمله دايما الصبح قبل طابور الصباح، بأدور على الفقرة اللي هاقولها في الإذاعة الصبح، و اتدرب عليها في البيت، و ألقيها على المدرسة قبل الطابور.
في سنة رابعة قررت إني عايزة أجرب أنشطة كثير في نفس الوقت، كنت محتارة جدا آخد ايه و علشان كدة قلت خلاص هاخد كل اللي عاجبني وقتها، والدتي وقتها اعترضت على اعتبار إني مش هاقدر أوفق ما بينهم كلهم، و أنا قررت إني أدخل تحدي مع نفسي و أشوف هاقدر اتابعهم كلهم إزاي.
في سنة رابعة ابتدائي الأنشطة اللي اشتركت فيها كانت كالتالي:
- مسابقة القرآن : حفظ قرآن بالتجويد و دخول مسابقة قبل نهاية العام الدراسي.
- نشاط الإذاعة : تحضير فقرات و إلقاءها صباحا على الطلبة و أحيانا قراءة قرآن الصباح .
- نشاط المكتبة : ترتيب المكتبة و إعادة تنسيقها، و كنت مسؤولة عن مجموعة كتب أتابع استعارتها و ترتيبها.
- نشاط الإخصائية الاجتماعية : كان حاجات كثير أوي ، تواصل مع طالبات عندهم مشاكل، و تواصل مع مدرسات، و العمل على حل بعض الخلافات، و مراقبة ساحة المدرسة أثناء الفسحة.
- نشاط الزراعة: كان كل واحدة فينا مسؤولة عن حوض أو أكثر في حديقة المدرسة الخلفية، بداية من إعداد الأرض للزراعة و لحد ما الزرع يكبر، و كنت وقتها مسؤولة عن حوض الذرة و القمح و الشعير، و كان مفروض أعرف الفروق ما بينهم و أتابعهم و أزيل الحشائش الضارة منهم باستمرار.
5 أنشطة، المفترض إن اجتماعتهم الأساسية بتكون كلها في نفس التوقيت و هو آخر حصتين يوم الاثنين smile emoticon.
السنة ده كنت بأحاول أستغل كل دقيقة فراغ عندي ، في الحصص الفاضية كنت يا إما بأروح المكتبة أخلص المطلوب مني فيها، و اكتب تقرير صغير أنا عملت ايه، أو أدور على مدرسة الدين علشان أسمع لها الجزء الجديد اللي حفظته، أو أورح أتابع الزرع المسؤولة عنه.
نشاط الإذاعة كان مخصص ليه فترة الصبح ، و نشاط الأخصائية الاجتماعية كان مخصص ليه وقت الفسحة أو قليل جدا في أي حصة فاضية.
السنة ده رغم إنها كانت ضغط كبير جدا، و رغم إن أي وقت فراغ عندي ما كنتش باستمتع فيه مع صاحباتي براحتي، إلا إني اتعلمت كثير جدا و استفدت جدا من تنوع الأنشطة اللي اشتركت فيها.
شكرا لماما إنها رغم عدم موافقتها سمحتلي إني أخوض التجربة، و شكرا لمدرساتي اللي وافقوا إني اشترك في العدد الكبير ده من الأنشطة في وقت واحد ، وساعدوني إني أستغل كل وقت مناسب علشان أقدر أستمر في النشاط .
السنة ده كنت بأحاول أستغل كل دقيقة فراغ عندي ، في الحصص الفاضية كنت يا إما بأروح المكتبة أخلص المطلوب مني فيها، و اكتب تقرير صغير أنا عملت ايه، أو أدور على مدرسة الدين علشان أسمع لها الجزء الجديد اللي حفظته، أو أورح أتابع الزرع المسؤولة عنه.
نشاط الإذاعة كان مخصص ليه فترة الصبح ، و نشاط الأخصائية الاجتماعية كان مخصص ليه وقت الفسحة أو قليل جدا في أي حصة فاضية.
السنة ده رغم إنها كانت ضغط كبير جدا، و رغم إن أي وقت فراغ عندي ما كنتش باستمتع فيه مع صاحباتي براحتي، إلا إني اتعلمت كثير جدا و استفدت جدا من تنوع الأنشطة اللي اشتركت فيها.
شكرا لماما إنها رغم عدم موافقتها سمحتلي إني أخوض التجربة، و شكرا لمدرساتي اللي وافقوا إني اشترك في العدد الكبير ده من الأنشطة في وقت واحد ، وساعدوني إني أستغل كل وقت مناسب علشان أقدر أستمر في النشاط .
ليست هناك تعليقات:
إرسال تعليق